कुसगाव : सिंहगड टेक्निकल एज्युकेशन सोसायटीच्या निवृत्ती बाबाजी नवले वाणिज्य व विज्ञान महाविद्यालयामध्ये मंगळवार, २६ नोव्हेंबर रोजी संविधान दिवस उत्साहात साजरा करण्यात आला. या निमित्त एका विशेष कार्यक्रमाचे आयोजन करण्यात आले होते.
या वेळी महाविदयालयाचे प्राचार्य डॉ. जयवंत देसाई यांनी संविधानाची गरज, कायदा व सुव्यवस्था राखण्यासाठी संविधानाचे महत्त्व याविषयी माहिती दिली. कार्यक्रमाचे प्रमुख पाहुणे प्रा. महादेव वाघमारे यांनी दैनंदिन जीवनात, तसेच देशाची जडणघडण व विकासामध्ये संविधानाचे कार्य, महत्त्व स्पष्ट केले.
कार्यक्रमाच्या शेवटी भारतीय राज्यघटनेच्या सरनाम्याचे सामुहिक वाचन करण्यात आले. या कार्यक्रमासाठी मोठ्या संख्येने विद्यार्थी हजर होते.
प्रास्ताविक डॉ. नितीन जोशी यांनी केले, तर आभार प्रदर्शन प्रा. राजेश कांझाडे यांनी केले. कार्यक्रमाच्या यशस्वीतेसाठी महाविद्यालयातील राष्ट्रीय सेवा योजना समन्वयक प्रा. सतीश सोनावणे, इतर प्राध्यापक आणि कर्मचारी यांनी सहकार्य केले.
